FEF grunnur er átta vikna netnámskeið fyrir aðstandendur einstaklinga sem glíma við fíknivanda og er byggt upp á erlendri fyrirmynd. Námskeiðið byggir á fræðslu í gegnum myndbönd og lesefni og gagnvirkum æfingum í gegnum rafræna vinnubók. FEF grunnur er fyrir alla aðstandendur einstaklinga sem glíma við fíknivanda, sama af hvað toga hann er.

FEF meðferð er átta skipta hópmeðferð, sem stendur yfir í 16 vikur, fyrir aðstandendur einstaklinga sem glíma við fíknivanda. FEF meðferðaraðili stýrir meðferðinni og leiðir þátttakendur í gegnum efnið. Efnið sem farið er í gegnum er í megin dráttum sama og í FEF grunni en með aðstoð fagaðila og jafningja verða skilningur og árangur enn meiri.

FEF plús er eingöngu í boði fyrir þá sem eru í eða hafa lokið FEF grunni eða FEF meðferð. FEF plús eru fjölskylduviðtöl hjá fjölskyldufræðingum okkar.